Dr Ruesser

News	zur Übersicht

Sa 26.03.2022 09:46

Neuji CD mit Hörspiil vom Bolo Mäglin - und was das mit de Stainlemer z tue het.

Der Ruesser
In de 110 Joor, syts die Alte Stainlemer git, hets e Huffe groossi Persönligkaite gää, wo s Gsicht vo der Glygge bräggt hän. Aber nummen aine hets zue literarischen Eere gschafft.
Im Joor 1957 het der sälbetsmol beriemt Schriftsteller Rudolph «Bolo» Mäglin, au är ursprünglig e Stainlemer, d Fasnachtsnovälle «Dr Ruesser» gschriibe. Das Biechli isch e grossen Erfolg gsi und het bis 1995 vier Ufflaagen erläbbt.

Der Fasnächtler, wo der Mäglin, in synere Gschicht beschrybt, der «Ruesser», isch – wie mer hütte wüsse – e Stainlemer gsi, der Arnold «Noldi» Ringli, wo 1918 zämme mit em Bolle Läder s erscht Mol e Aihänderdagwacht am Drummeli uffgfiert het.

=> Der Noldi Ringli als Stainlemer

Grad vor der Fasnacht isch e Doppel-CD uff e Märt koo, wo d Gschicht vom «Ruesser» grad zwaimol druf isch. Aimol vorgläse vom beriemte Volggsschauspiiler Ruedi Walter und e zwait Mol als Hörspiil. Ergänzt wird die CD vom ene wyttere Hörspiil, der luschtige Gschicht «Dr letscht Mittwuch-Morgestraich».

=> Doo könned iir e bitz in die CD ynelose

=> Kaufe ka me die wärtvolle Dondokumänt bim Bider+Tanner

S loont sich übrigens absolut, au e bitz uf der Website zem Bolo Mäglin ummezstöbere. Die het sy Grosssohn, der Lukas Mäglin, liebevoll und detailrych zämmegstellt. Der Lukas het au d Idee zer CD gha.

Autor: Kasi

Bild 1 / 34

Name *
E-Mail (sichtbar)
Homepage (sichtbar)
Kommentare *
Sicherheitscode *

News

Dr Ruesser

Kommentare (0)

Neuer Kommentar