News

Am letschte Samschtig hänn d Stainlemer aimol mehr d Zofingia alässlig vom "Centralhairi" dörfe uff iirem Umzug dur d Stadt beglaite. D Zonfingia fyyrt all siibe Joor  dä Daag zu Ehre vom Kaiser Heinrich II. (973 - 1024), "Sponsor" vom Heinrichsmünschter und Stadtpatron vo Basel.

Übrigens - der Heinrichstag wär aigentlig erscht e Monet spöter, am 13. Juli. Ain vo den Altherre het ys aber erklärt, dass denn Semeschterferie sind und kum ain vo der Activitas wurd derby syy und dorum fyyre d Zofinger dä Daag e Monet z frieh. 

Wie immer het der Centralhairi in de Vischergärte an der Rittergass agfange. Noch e paar Bier, e paar Rede und s e paar Lieder isch denn die Gruppe vo junge Studänte und zimmlig alte Altherre agfiert vo de Stainlemer dur d Stadt zooge. 

E grosses Danggschön nomol der Zofingia für d Bewirtig in de Vischergärte und s Mittagässe im Stadthof, wo mer e wärschafts Wintermenu hänn dörfe gniesse (Kürbissuppe, Brote und Öpfelkiechli uss der Friteuse). 

Kommentare (0)