News

Es gitt dr Ufdritt vo den Alte Stainlemer am Drummeli im Juubel-Joor 1987 uff Video z gsee.

Vor zwai Mönet sinn e baar alti Färnsee-Sändige ins Netz uffeglaade worde, wo für alli Stainlemer und Fründe vo de Stainlemer sehenswärt sinn. Es goot nämmlig um d Fasnacht und Vorfasnacht 1987, also vo däm Joor, wo die Alte Stainlemer 75 Joor alt worde sinn.

Uss Aloss vom Jubiläumsjoor hän d Stainlemer denn jo nit nummen e sensationelle Stamm-Ufdritt mit eren aihändige Daagwach und em Pfyffervoorspiil "kleine Nachtmusik" uff d Kiechli-Biini brocht, sondern au e saggstarggi Drummelschuel vo de Junge Stainlemer und de Vegel als Pfyffersolo. E huffen Augen- (und Oore-)züüge sin der Mainig gsi, ass die Ufdritt vo de Junge Stainlemer in sällem Joor besser gsi syyge, als e mänggi anderi Darbietig am Drummeli...

Nit vergässe darf me, ass das jetzt 33 Joor här isch und sich s Drummeli wyter entwigglet het. Und au nümm alli Junge vo denn glyych ussgseen.

Doo  dr Link zu de Junge Stainlemer (ab Minute 9:00): https://youtu.be/kMkHb2GseDc

Doo dr Ufdritt vo den Alte Stainlemer (grad am Aafang): https://youtu.be/w3kTH61JSks

Gfunde im Netz het das übrigens dr Hemmli. Vyl Spass bim Luege.