"Mir sind d Stainlemer" - der Stainerap vo der Junge Garde und em Skip - News - News

News	zur Übersicht

"Mir sind d Stainlemer" - der Stainerap vo der Junge Garde und em Skip

So 22.10.2023 23:52

An iirem Herbschtbummel, hänn unseri Junggardischte zämme mit em Skip dörfen iire aigene Song uffnää.

Der Täggscht findsch unten am Video:

Jungi Stainlemer x Skip

[1. Strophe]:
In ganz Basel kennt meh dr Name
im 5. UG jä dört hängt unsri Fahne

Unsri Drummelkünscht spränge dr Rahme

me muess nüt meh sage

Usem Underground immer bizzli „aecke“
ghöhre zu de beschte also was jetzte
Es git Lüt die gwünne nid viel

d Staine gwünnt sogar bi olympische Spiel

Usem Käller gömmer jez dä wäg uffe
zu dr erste Märsch und dr Mähl Suppe
Dr Vortrab duet d Mängi us em Wäg drucke

was e Ihdruck, muess dreimol läär schlucke

Nachem Ändstreich am 4 am Morge
zrugg in Käller, d drummle versorge
Die letzte drei dääg immer glücklicher worde

und morn goht s denn zrug zu de däägliche sorge

[Pre-Hook 2x]:
Ei liebi duet alli vreine
vrstoh wird das villicht keine
Nach em Morgestraich gönn die meischte heime

usser mir, mir bliebe Staine

[Hook]:
Mir sin d Stainlemer, die alte Stainlemer, das sin mir
Und wenn mr laufe durch d Strosse vo Basel, erkennsch du vo wiitem de Name

Mir sin d Stainlemer, die alte Stainlemer, das sin mi

[2. Strophe]:
S ganz Joor güebt für dä Momänt
d Trummel Schlegel in de Händ
Dr Vortrab, dä stoht au parat

d Picolos sin au am start

Mängmol flieg ich fascht uf d Schnurre
Gsee nüt durch mi Larve duure
Unglaublich in däm riese Zug

Zyt vergoht so wie im Flug

Vom Schlüssel bis zum Schnabel
me kennt uns in ganz Basel
Dr Major seit uns loose

denn gässle mir durch d Strosse

[2x]:
So wie mir machts keine
dorum sin mir d Staine
Egal was anderi meine

mir könne sogar reime

[Pre-Hook]:
Droppe Lines wie Drummelvärs
D Fasnacht kha dr Kummer nä
Truurig wenns scho ume wär

Gmeinschaft, das sin unseri Wärt

[Hook 2x]:
Mir sin d Stainlemer, die alte Stainlemer, das sin mir
Und wenn mr laufe durch d Strosse vo Basel, erkennsch du vo wiitem de Name

Mir sin d Stainlemer, die alte Stainlemer, das sin mir

[Vocals: Misha, Raban, Robin, Janis, , Alex, Skip, Loris, Leo, Etienne, Colin, Livio, Yannick, Mael]

Autor: Zämmegstellt und zämmegschnipslet vom Rämsi

Bild 1 / 9

Thomi (Pf) Schmid - 23.10.2023 13:50

Gratulier! Saggstargg!

Andreas Schürch - 28.10.2023 00:23

Mega! Absolut genial! Champions

Peter Meier - 30.10.2023 19:09

Schappo an alli, dä sound hend iir druff!