News

... und worum haisst dä Monty?

E Gläägehait, dä Marsch oder besser gsait d Härkunft vo däm Marsch e bitz gnauer aazluege. Wär het en gschriibe? Worum der Name Liberty Bell? Und worum het der Michi Robertson, wo der Liberty Bell als Fasnachtsmarsch arrangiert het, in Klammere «Monty» aagfiegt? 

Der John Philip Sousa (1854 – 1932) isch en amerikanische Komponischt und Dirigänt gsii. Är het vor allem Militärmärsch komponiert aber au Operette het er gschriibe mit vylverspächende Titel wie «The Smugglers», «The American Maid» oder «The Devil’s Deputy».

Zu de bekanntischte Märsch ghöre:

Liberty Bell

Ursprünglich het der Sousa der Liberty Bell (wo denne no kai Name gha het) in en Operette (The devil’s Deputy) wellen ybaue. D Finanzierig für die Uffierig isch aber denne nit gsicheret gsii, und so het er s lo blyybe. Kurz druffabe het der Sousa mit sym Bandmanager zämmen en Uffierig mit em Name «America» aagluegt, wos e Kulisse mit der symbolträchtige Liberty Bell het ghaa, wo me hütt no in Philadelphia ka aaluege. Uff Grund vo däm het der Sousa beschlosse, der neu Marsch «Liberty Bell» z taufe.

2017 für e Donald Trump 

Für die jüngere Stainlemer, wo d «Monty Python» eventuell nümmi kenne: «Monty Pythons flying Cricus» isch, wie gsait, in de 70er Joor vo BBC ussgstraalt worde. In insgsamt 4 Staffle und 45 Folge hänn die sächs Komiker iire absurde, schreege und zum Teil fascht dadaistische Humor könne usslääbe. 

Wär sich das will aatue, ka doo => die ganzi erschti Staffle aaluege. 

D «Monty Python» sind bekannt gsii für iiri tiefi Hemmschwelle. Das het sich au in iire obefüllende Film zaigt. Eso het z.B. die zimmlig blasphemische Komödie «Life of Brian» in diverse Länder e handfeschte Skandal ussglöst. Unvergässlig isch d Schussszene vo däm Film => Always Look on the Bright Side of Life.

Und fascht hätt y s vergässe – Esoo sot der «Monty» an der nöggschte Fasnacht dööne => Die Aagfrässene am Aidgenössische 2018 in Bulle

Und als Abschluus der Vorspann vo Monty Python’s Flying Circus:

Kommentare (1)