News |
zur Übersicht |
![]() |
|
Do gits D Fottene in voller Ufflösig Am vergangene Samschtig het im Cliquekäller s Intärne Bryysdrummlen und -pfyffe stattgfunde. Ab de halber Fümfi het me unserem Noochwuggs dörfe zueloose, wie sie ihri Instrumänt beherrsche. Am beschte glungen isch das in däm Johr de folgende Konkurränte: Mael Specht (Tamboure Binggis)Raban Roth (Tamboure Jungi) Ben Keller (Pfyffer Binggis) Livio Schmid (Pfyffer Jungi) Im Aaschluss and Wettspiil sin alli mit ere ordentlige Portion Pasta al ragù siciliano verwöhnt worde, e grosses Danggschön an Sigi sy besseri Hälfti wo uns das wunderbare Nachtässe kocht het. Guet gstärggt isch es denn in bunten Oobe gange, mit erfreulig zahlryyche Darbietige vo Jung und Alt, wo wie immer einigi mit Musikalideet glänzt hän, anderi wiederum mit Skurrilideet. Drno isch dr offiziell Brogrammteil fertig gsi und me het das glungene und unterhaltsamen Intärne no bim einte oder andere Bierli lo ussklinge.Härzliggi Gratulation an alli Konkurränte wo sich dr Jury und em Publikum gstellt hän und e härzliggs Danggschön an unsere Hauptorganisator Sigi und syny Hälfer und Hälfeshälfer wo dä Aloss möglig gmacht hän! |
|
Autor: Täggscht: Dominique Meyer Bilder: Philipp Ramseier | |
|
|
|
|
Stefan Winteregg - 15.01.2025 17:24 | |
@rämsi: wo kauft me so unsichtbari stroohiet? Seet rächt bequem us | |
Neuer Kommentar
Realisation: apload GmbH - Design: A. Stulz